Uwch Swyddog Monitro'r Amgylchedd

Tîm / Cyfarwyddiaeth: Tîm Asesu a Chyngor Amgylcheddol / Gweithrediadau

Cyflog cychwynnol: £41,132 yn codi i £44,988 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 19/08/2025 + 20/08/2025

Rhif swydd: 200437

Y rôl

Ydych chi'n angerddol am warchod treftadaeth ddaearegol anhygoel Cymru? Fel Uwch Swyddog Monitro Amgylcheddol (Gwyddorau Daear), chi fydd y grym y tu ôl i ddiogelu rhai o safleoedd daearegol pwysicaf Gogledd Cymru.

Dyma'ch cyfle i gymryd yr awenau wrth fonitro a rheoli Safleoedd o Ddiddordeb Gwyddonol Arbennig (SoDdGA), gan sicrhau bod y safleoedd cenedlaethol hyn yn cael eu gwarchod, eu rheoli'n dda, a'u cysylltu'n effeithiol ar draws y dirwedd. Byddwch yn arbenigwr Gwyddor y Ddaear, gan ddarparu cyngor sy'n llunio penderfyniadau cynllunio, yn llywio polisi, ac yn cefnogi arferion rheoli tir cynaliadwy.

O weithio gyda grwpiau geoamrywiaeth lleol a Geobarciau Byd-eang UNESCO i gyfrannu at strategaeth gadwraeth genedlaethol, mae'r rôl hon yn cynnig effaith wirioneddol. Byddwch yn hyrwyddo geogadwraeth ledled Cymru, yn ysbrydoli gwerthfawrogiad ehangach o geoamrywiaeth, ac yn helpu i lunio dyfodol ein hamgylchedd naturiol drwy gyngor arbenigol, monitro safleoedd, gwaith maes, ac adrodd.

Byddwch hefyd yn:

• Arwain y broses hysbysu ar gyfer SoDdGAau daearegol a chyfrannu at eu diogelwch parhaus.
• Darparu mewnbwn arbenigol i gynlluniau, polisïau a mentrau ffermio cynaliadwy lefel uchel.
• Tywys a chydweithio â gwirfoddolwyr, rhanddeiliaid a phartneriaid cenedlaethol i hyrwyddo a gwarchod geoamrywiaeth Cymru.
• Cefnogi'r gwaith o gyflawni nodau adfer natur CNC ac uchelgeisiau Llywodraeth Cymru ar gyfer 2030.
• Mae hyn yn fwy na swydd - mae'n gyfle i ddefnyddio eich arbenigedd Gwyddor y Ddaear i wneud gwahaniaeth parhaol.

Fel sefydliad, rydym yn cefnogi gweithio hyblyg. Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Rob Evans - robert.evans@cyfoethnaturiolcymru.gov.uk.

Bydd cyfweliadau’n cael eu cynnal ar Microsoft Teams 

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i'r dyddiad cau. 

Amdanom ni

 Bydd y rôl yn eistedd o fewn Tîm Asesu a Chyngor Amgylcheddol Gogledd-ddwyrain Cymru sy'n dîm amlddisgyblaethol sy'n darparu monitro, asesu ac adrodd amgylcheddol. Mae'r tîm yn cwmpasu meysydd fel ecoleg ddaearol, ecoleg dŵr croyw, ansawdd dŵr, pysgodfeydd a Gwyddor y Ddaear.

Bydd y rôl hon yn canolbwyntio ar Wyddor y Ddaear sy'n cwmpasu Gogledd Cymru. Byddwch hefyd yn gweithio gyda'ch cyd-wyddonwyr daear yn rhithwir ledled Cymru.

Mae Tîm Asesu a Chyngor Amgylcheddol Gogledd-ddwyrain Cymru yn eistedd o fewn y gyfarwyddiaeth weithredol lle rydym yn gweithio'n agos gyda thimau eraill fel Timau'r Amgylchedd, Gwastraff, Rheoleiddio'r Diwydiant ac Amaethyddiaeth.

Yn y Tîm Asesu a Chyngor Amgylcheddol rydym yn ymdrechu i gasglu data o ansawdd i ddarparu dull sy'n seiliedig ar dystiolaeth i CNC i gwrdd â'r canlyniadau yn ein cynllun corfforaethol. Mae'r dystiolaeth hon yn helpu i lywio gwaith llawer o feysydd yn ein sefydliad; dylanwadu ar ddeddfwriaeth, arwain canlyniadau a monitro budd gweithredu. Byddwch yn ymuno â thîm monitro medrus iawn gyda'r nod allweddol o ddiogelu a gwella'r amgylchedd rydym yn byw ynddo.

Yr hyn y byddwch chi’n ei wneud

• Arwain a chydlynu cyngor ac arweiniad technegol arbenigol ar fonitro a/neu wyddor daear o amrywiaeth o ffynonellau ar gyfer cwsmeriaid mewnol ac allanol; sicrhau fod penderfyniadau’n seiliedig ar farn dechnegol gadarn, yn unol â deddfwriaeth gyfredol ac arfer gorau. 
• Cynnig arbenigedd proffesiynol ar fonitro, asesu ac adrodd a/neu wyddor daear i ddylanwadu ar flaenoriaethau gweithrediadol a pholisïau CNC, a’u llywio.
• Sicrhau bod data monitro CNC yn cael ei gasglu a’i storio’n unol â’r safonau ansawdd a ragnodir gan ddeddfwriaeth Ewrop a’r DU a pholisi CNC.
• Darparu cyngor technegol arbenigol ar waith achos cynllunio a rheoli safleoedd gwarchodedig (gan gynnwys hysbysiadau SoDdGA, gwaith rheoli safleoedd, camau gorfodi, ayb). 
• Adolygu tystiolaeth o dechnolegau newydd a thechnolegau sy’n cael eu datblygu ar gyfer monitro amgylcheddol, ac o sut gellir eu rhoi ar waith, gan ddadansoddi gwybodaeth gymhleth a’r manteision i CNC o’u defnyddio. 
• Nodi a llunio adroddiadau technegol yn dadansoddi a dehongli setiau data cenedlaethol a lleol ar gyfer gwaith gweithrediadol, penderfyniadau polisi cenedlaethol, ymchwiliadau cyhoeddus, apeliadau llys, ayb. 
• Darparu tystiolaeth a bod yn dyst arbenigol ar gyfer erlyniadau, ymchwiliadau cyhoeddus ac adolygiadau barnwrol. 
• Cymryd rôl arweiniol ar gyfer prosiectau monitro ardal a Chymru gyfan gan gynnwys cwmpasu, darparu adnoddau, penodi contractwyr a rheoli cyllidebau.
• Arwain ar gyfraniadau arbenigol at gyflwyno rhaglenni arolygu a monitro. 
• Arwain ar y gwaith o ddatblygu a gweithredu dulliau monitro ac adrodd newydd, gan gynnwys cydweithio â sefydliadau partner ar lefel leol a chenedlaethol (e.e. EA, SEPA, SNH, JNCC, NE,  Yr Awdurdod Adfer Safleoedd Mwyngloddio, cwmnïau cyfleustodau, Llywodraeth Cymru a JNCC). 
• Darparu mewnbwn technegol o ran gwyddor daear ar gyfer cynlluniau strategol a rhanbarthol, er enghraifft Datganiadau Ardal, Cynlluniau Datblygu Lleol, canllawiau cynllunio, ayb, a chyfrannu at gynnal cyfanrwydd gwyddonol y rhwydwaith o safleoedd dynodedig. 
• Cefnogi sefydliadau partner i hyrwyddo cadwraeth natur ac SMNR. 
• Darparu datblygiad technegol parhaus i'r tîm, gan arwain a hyfforddi ar weithdrefnau a thechnegau newydd a rhai cyfredol.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich huntrwy ddefnydd effeithiol o eich cynllun datblygu personol (a elwir yn Sgwrs).
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.
• Mae gofyn cymryd rhan mewn gweithgareddau ymateb i ddigwyddiadau.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gradd dosbarth cyntaf neu ail ddosbarth (neu gyfwerth) mewn pwnc daearyddol neu wyddor daear, neu brofiad perthnasol yn y ddisgyblaeth. 
2. Arbenigedd lefel uchel mewn gwyddor daear. 
3. Arbenigedd mewn dehongli ac adrodd ar ddata amgylcheddol a chynnal gweithgareddau monitro. 
4. Arbenigedd mewn cynllunio gwaith, cyllidebu a rheoli contractau. 
5. Sgiliau ysgrifennu adroddiadau rhagorol, a gwybodaeth a phrofiad o roi deddfwriaeth berthnasol y DU ac Ewrop ar waith ynghyd â sgiliau arbenigol mewn dehongli data yn erbyn ysgogwyr deddfwriaethol. 
6. Profiad o oruchwylio, hyfforddi a mentora. 
7. Lefel uchel o sgiliau dadansoddi, gan gynnwys ystadegau, a gwybodaeth arbenigol am drin data gan gynnwys GIS. 
8. Aelod o gorff proffesiynol (dymunol).

Gofynion y Gymraeg

• Dymunol:  Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.