Uwch Gynghorydd Rheoli Contractau

Tîm / Cyfarwyddiaeth: Gwasanaethau Cymorth Rheoli Contractau / Cyfathrebu, Cwsmeriaid a Masnachol

Cyflog cychwynnol: £41,132 yn codi i £44,988 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith:  Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: I'w gadarnhau

Rhif swydd: 202976

Y rôl

Mae'r Gwasanaeth Cymorth Rheoli Contractau yn dîm o naw sy'n cefnogi Rheolwyr Contractau Cyfoeth Naturiol Cymru drwy gydol cylch oes rheoli contractau; mae hyn yn cynnwys pob math o gontractau a chytundebau. Bydd y rôl hon yn cefnogi gweithgareddau rheoli contractau haen Aur risg ganolig i uchel yn bennaf gan weithio gyda Rheolwyr Contractau a Chyflenwyr. Bydd y rôl hon yn adrodd i Arweinydd Tîm CMSS 2. Bydd cyfle gan yr ymgeisydd llwyddiannus i ymgymryd â Rhaglen Gallu Ymarferydd Rheoli Contractau.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Peter Lees ar peter.lees@cyfoethnaturiolcymru.gov.uk 

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni

Mae'r Tîm Cymorth Rheoli Contractau wedi’i leoli o fewn y Gyfarwyddiaeth Cyfathrebu, Cwsmeriaid a Masnachol. Bydd y rôl hon yn gweithio'n agos gyda Thîm Caffael CNC. Mae'r gefnogaeth y bydd y rôl hon yn ei darparu fel rhan o dîm y Gwasanaeth Cymorth Rheoli Contractau yn cyd-fynd â gofynion y Cynllun Corfforaethol.

Yr hyn y byddwch chi’n ei wneud

Fel Uwch Gynghorydd, byddwch yn:

• Cefnogi Rheolwyr Contractau gyda gweithgareddau rheoli contractau risg ganolig i uchel, gan gynghori ar y broses rheoli contractau, llywodraethu a chanlyniadau drwy gydol cylch oes rheoli contractau.
• Darparu cyngor ac arweiniad arbenigol er mwyn rheoli risg fasnachol a chynaliadwyedd, gwella ffyrdd o weithio a gyrru effeithlonrwydd, fel y dangosir gan well gwerth am arian.
• Sicrhau cydymffurfiaeth fewnol ac allanol â gofynion e.e. diogelwch data, mesurau gwrth-dwyll a chynaliadwyedd y gadwyn gyflenwi, gan herio achosion o ddiffyg cydymffurfio.
• Atebol o dan gynllun Rheoli ein Harian (cynllun dirprwyo ariannol Cyfoeth Naturiol Cymru), gan sicrhau canlyniadau cadarn, cydymffurfiol a gwerth am arian, gyda'r gallu i weithio'n annibynnol a gwneud penderfyniadau heb fewnbwn rheolwr llinell pan fo angen.
• Adeiladu a chynnal perthnasoedd dylanwadol a chydweithredol â chwsmeriaid mewnol i sicrhau ymwybyddiaeth o'r cyfleoedd, y risgiau a'r arferion gorau sy'n berthnasol i reoli contractau, gan ddylanwadu ar waith ein cwsmeriaid mewnol i ddarparu canlyniadau cadarnhaol.
• Rheoli'r cyfnod pontio strwythuredig rhwng dyfarnu contract a darparu gwasanaeth, gan gyfathrebu â rhanddeiliaid.
• Mentora a hyfforddi eraill ar weithdrefnau, arferion a thechnegau masnachol gan ddarparu’r wybodaeth a'r sgiliau i’w galluogi i gyflawni eu gwaith mewn modd effeithiol ac effeithlon
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Sefydliad Siartredig Prynu a Chyflenwi (CIPS) - Diploma Proffesiynol Lefel 6 mewn Caffael a Chyflenwi (Aelodaeth lawn neu bron â chwblhau).
2. Bydd disgwyl i'r ymgeisydd llwyddiannus gyflawni cymhwyster arbenigol Rhaglen Galluoedd Rheoli Contractau'r Llywodraeth (CMCP) o fewn 18 mis i’r penodiad os nad yw eisoes wedi cymhwyso at y lefel hon. Gwybodaeth a dealltwriaeth o ddeddfwriaeth contract berthnasol a pholisïau'r sector cyhoeddus. 
3. Profiad sylweddol o ddylanwadu ar benderfyniadau masnachol ar lefel prosiect neu gontract. 
4. Profiad o gymryd rhan ac arwain ymarferion masnachol, gan gyflawni’n llwyddiannus. 
5. Profiad trosglwyddadwy o ddefnyddio dulliau masnachol i gyflawni amcanion busnes. 
6. Gwybodaeth a dealltwriaeth o ddeddfwriaeth contract berthnasol a pholisïau'r sector cyhoeddus. 
7. Profiad o gynnal trafodaethau lefel uchel a chymhleth gyda phartneriaid cyflenwi.

Gofynion y Gymraeg

• Dymunol:  Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.