Cynghorydd Recriwtio ac Adnoddau

Tîm / Cyfarwyddiaeth: Tîm Recriwtio / Cyfarwyddiaeth Strategaeth a Datblygu Corfforaethol

Cyflog cychwynnol: £36,246 yn codi i £39,942 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Penodiad Cyfnod Penodol tan 31/03/2026

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 28/05/2025

Rhif swydd: 203709

Y rôl

Fel Cynghorydd Recriwtio ac Adnoddau, byddwch yn chwarae rhan allweddol wrth ddarparu gwasanaeth recriwtio o safon uchel sy’n cefnogi anghenion gweithredol Cyfoeth Naturiol Cymru (CNC) yn uniongyrchol. Byddwch yn darparu cyngor ac arweiniad arbenigol i reolwyr sy'n cyflogi a chydweithwyr ar draws y sefydliad, gan sicrhau bod polisïau recriwtio ac adnoddau yn cael eu defnyddio’n gyson ac yn effeithiol.

Gan weithredu fel partner dibynadwy, byddwch yn sicrhau bod proses recriwtio CNC yn cael ei chyflawni’n effeithiol, o ddiffinio gofynion rolau a hysbysebu, i ddethol ac arfyrddio, ac ar yr un pryd hyrwyddo arfer gorau, tegwch a chynwysoldeb bob cam o’r ffordd. Byddwch hefyd yn cyfrannu at weithgareddau gwelliant parhaus, gan nodi cyfleoedd i wella darpariaeth gwasanaeth a phrofiad ymgeiswyr.

Gan weithio ar y cyd â chydweithwyr ar draws y swyddogaeth Pobl a Datblygu Sefydliadol ehangach, byddwch yn helpu i sicrhau bod CNC yn recriwtio’r bobl gywir, ar yr adeg gywir, a bod ganddynt y sgiliau cywir i gefnogi ein nodau hirdymor a chyflawni ein gweledigaeth ar gyfer 2030: Byd Natur a Phobl yn Ffynnu Gyda’n Gilydd.

Fel sefydliad, rydym yn cefnogi gweithio hyblyg. Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Joe Smith ar joseph.smith@cyfoethnaturiolcymru.gov.uk.

Bydd cyfweliadau yn cael eu cynnal ddydd Mercher, 28 Mai 2025 ar Microsoft Teams.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni

Cyfoeth Naturiol Cymru (CNC) yw prif gynghorydd Llywodraeth Cymru ar faterion sy’n ymwneud â’r amgylchedd ac adnoddau naturiol. Ein pwrpas yw mynd ar drywydd rheolaeth gynaliadwy adnoddau naturiol ym mhopeth a wnawn, gan gefnogi llesiant cenedlaethau’r dyfodol.

Rydym yn gweithio i warchod yr amgylchedd, cynnal treftadaeth naturiol ac adnoddau Cymru, a chefnogi cymunedau a busnesau i wneud dewisiadau deallus a chyfrifol. Mae ein gwerthoedd - angerdd, uniondeb, ymddiriedaeth ac arloesedd - yn arwain y ffordd yr ydym yn gweithio bob dydd.

Mae ymuno â CNC yn golygu dod yn rhan o sefydliad cefnogol a blaengar, lle mae eich cyfraniad yn bwysig. Mae’r tîm Recriwtio ac Adnoddau yn ganolog i’n llwyddiant, gan helpu i ddenu, cadw a datblygu’r unigolion dawnus sy’n gyrru ein cenhadaeth yn ei blaen.

Yr hyn y byddwch chi’n ei wneud

• Cyflawni’r cylch bywyd recriwtio llawn, gan gynnwys denu ymgeiswyr, llunio rhestr fer a chyfweld, drwy ddarparu cyngor arbenigol i sicrhau proses deg, effeithiol a chydymffurfiol yn unol â pholisïau CNC ac Egwyddorion Recriwtio’r Gwasanaeth Sifil.
• Arwain a rheoli recriwtio ar gyfer amrywiaeth o swyddi gwag, gan gynnwys rolau uwch ac arbenigol, mynd ati’n rhagweithiol i ddod o hyd i ymgeiswyr trwy ddefnyddio amrywiaeth o blatfformau a dulliau arloesol i gynorthwyo recriwtio cynhwysol a gweithredu cadarnhaol.
• Cynllunio a darparu ymgyrchoedd adnoddau ar gyfer cynulleidfaoedd mewnol ac allanol, gan ddefnyddio cyfryngau traddodiadol a digidol i gyrraedd cronfeydd talent targed mewn modd cost-effeithiol a dylanwadol.
• Darparu hyfforddiant ac arweiniad i reolwyr a staff ar bolisïau a gweithdrefnau recriwtio, gan hybu hyder a chysondeb mewn arferion recriwtio a dethol.
• Gweithredu fel partner dibynadwy i reolwyr, cynrychiolwyr undebau llafur a Phaneli Gweithlu, gan feithrin cysylltiadau gwaith cryf a hyrwyddo ymddiriedaeth a chydweithio ar draws y sefydliad.
• Sicrhau bod yr holl weithgarwch recriwtio yn cael ei gynllunio, ei gydlynu a’i lywodraethu’n gywir, gan gynnwys cydymffurfio â phrosesau cymeradwyo mewnol a chynnal llwybrau archwilio cadarn.
• Cefnogi‘r gwaith o ddarparu profiad ardderchog i’r ymgeisydd a’r rheolwr cyflogi drwy gydol y broses recriwtio, gan gynnal a brand cyflogwr a gwerthoedd CNC .
• Adolygu a sicrhau ansawdd disgrifiadau rôl, gan sicrhau aliniad ag egwyddorion dylunio’r sefydliad a phrosesau gwerthuso swyddi ategol.
• Cynnal yr wybodaeth ddiweddaraf am strwythur a rolau CNC ar draws pob cyfarwyddiaeth, gan sicrhau bod gweithgarwch recriwtio yn cyd-fynd ag anghenion y gweithlu.
• Cefnogi’r gwaith o gyflwyno a gwella rhaglenni hyfforddi recriwtio mewnol ar gyfer rheolwyr a thimau cyflogi.
• Cynrychioli CNC mewn ffeiriau swyddi, digwyddiadau gyrfaoedd a digwyddiadau allanol eraill i hyrwyddo’r sefydliad fel cyflogwr o ddewis.
• Hyrwyddo cydraddoldeb, amrywiaeth, gofal cwsmeriaid a gwelliant parhaus ar draws yr holl weithgareddau recriwtio.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Cymhwyster CIPD (Lefel 5) / Aelod Cyswllt o'r CIPD neu Gymhwyster AD ar lefel gyfatebol.
2. Gwybodaeth a phrofiad amlwg o gyflwyno prosesau recriwtio o'r dechrau i'r diwedd.
3. Profiad o weithio o fewn amgylchedd recriwtio mewnol, rheoli rolau lluosog, ymgyrchoedd a recriwtio niferoedd mawr o ymgeiswyr ac ar yr un pryd sicrhau profiad cwsmer eithriadol i ymgeiswyr a rheolwyr llogi fel ei gilydd.
4. Sgiliau cyfathrebu a rhyngbersonol rhagorol gyda'r gallu i olygu ac ysgrifennu dogfennau recriwtio cymhellol a chywir.
5. Gwybodaeth am egwyddorion recriwtio'r gwasanaeth sifil, deddfwriaeth cydraddoldeb a chyfraith cyflogaeth mewn perthynas â recriwtio.
6. Y gallu i weithio'n effeithiol mewn amgylchedd tîm ac ar yr un pryd cefnogi rheolwyr gyda phenderfyniadau recriwtio.

Gofynion y Gymraeg

• Hanfodol: B2
• Dymunol: C2

 

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (Bydd staff mewnol llwyddiannus yn aros yn eu cynllun pensiwn presennol.)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon